إصدار النائبات
علي مهدي
شوف بناتك بيا حال صارت عقب أبو اليمه
زينب هالمسية تصيح .. وينه اللي علي ينغار
يآخذ من نصبي وياه .. يتعنى لقبر حيدر
يقله يا علي بناتك .. عليهن داير العسكر
عندهم ما بقت وليان .. نومة على الثرى الشبان .. كلها بحومة الميدان
هذا مقطعه جفوفه وذاك معفر بدمه
يا فارس بدر وحنين قوم لكربلاء بهمة
شوف بناتك بيا حال صارت عقب أبو اليمه
بسكت يبو الحملة النوم .. قوم لكربلاء الليلة
شوف شبولك بيا حال .. واسمع حنة العيلة
رملة تصيح يا قاسم .. وعلى الأكبر تون ليلى
زينب يا وصي الهادي .. الليلة تجول بالوادي .. تلم الحرم وتنادي
ما ظلت شيم يا حسين عند الأوادم وذمة
يا فارس بدر وحنين قوم لكربلاء بهمة
شوف بناتك بيا حال صارت عقب أبو اليمه
قامت يبو اليمة تجول .. وتلم بيتاماها
من تتذكر الوليان .. تجري دموع عيناها
من قبرك يا حيدر قوم .. هالليلة وتعناها
شوف شحالها بهالليل .. من عندها دموع تسيل .. من تسمع صهيل الخيل
تقوم أطفالها تنادي لفتنا الخيل يا عمة
يا فارس بدر وحنين قوم لكربلاء بهمة
شوف بناتك بيا حال صارت عقب أبو اليمه
عليها القوم من هجمت .. وشبت بالخيم نيران
طفلة من الخيم فرت .. وقصدت حومة الميدان
زينب حين فقدتها .. قامت تنشد النسوان
طلعت فارة ليها .. تدور قامت عليها .. لقتها بكتر واليها
لكنها بكثر الخوف تبجي ولائذة يمه
يا فارس بدر وحنين قوم لكربلاء بهمة
شوف بناتك بيا حال صارت عقب أبو اليمه
صدت لجسم حسين .. زينب قامت تنادي
بناتك مرمرن قلبي .. يا ريحانة الهادي
عليه أظلم يخويه الليل .. وأنا أفتر بهالوادي
بيهن تراني تحيرت .. لساعة وحدة فقدت .. لمن يا مظلوم ألتفت؟!!
