تقوم أطفالها تنادي لفتنا الخيل يا عمة

سبتمبر 26, 2009
يا فارس بدر وحنين
إصدار النائبات
علي مهدي

استماع
يا فارس بدر وحنين قوم لكربلاء بهمة
شوف بناتك بيا حال صارت عقب أبو اليمه

زينب هالمسية تصيح .. وينه اللي علي ينغار
يآخذ من نصبي وياه .. يتعنى لقبر حيدر
يقله يا علي بناتك .. عليهن داير العسكر

عندهم ما بقت وليان .. نومة على الثرى الشبان .. كلها بحومة الميدان

هذا مقطعه جفوفه وذاك معفر بدمه

يا فارس بدر وحنين قوم لكربلاء بهمة
شوف بناتك بيا حال صارت عقب أبو اليمه

بسكت يبو الحملة النوم .. قوم لكربلاء الليلة
شوف شبولك بيا حال .. واسمع حنة العيلة
رملة تصيح يا قاسم .. وعلى الأكبر تون ليلى

زينب يا وصي الهادي .. الليلة تجول بالوادي .. تلم الحرم وتنادي

ما ظلت شيم يا حسين عند الأوادم وذمة

يا فارس بدر وحنين قوم لكربلاء بهمة
شوف بناتك بيا حال صارت عقب أبو اليمه

قامت يبو اليمة تجول .. وتلم بيتاماها
من تتذكر الوليان .. تجري دموع عيناها
من قبرك يا حيدر قوم .. هالليلة وتعناها

شوف شحالها بهالليل .. من عندها دموع تسيل .. من تسمع صهيل الخيل

تقوم أطفالها تنادي لفتنا الخيل يا عمة

يا فارس بدر وحنين قوم لكربلاء بهمة
شوف بناتك بيا حال صارت عقب أبو اليمه

عليها القوم من هجمت .. وشبت بالخيم نيران
طفلة من الخيم فرت .. وقصدت حومة الميدان
زينب حين فقدتها .. قامت تنشد النسوان

طلعت فارة ليها .. تدور قامت عليها .. لقتها بكتر واليها

لكنها بكثر الخوف تبجي ولائذة يمه

يا فارس بدر وحنين قوم لكربلاء بهمة
شوف بناتك بيا حال صارت عقب أبو اليمه

صدت لجسم حسين .. زينب قامت تنادي
بناتك مرمرن قلبي .. يا ريحانة الهادي
عليه أظلم يخويه الليل .. وأنا أفتر بهالوادي

بيهن تراني تحيرت .. لساعة وحدة فقدت .. لمن يا مظلوم ألتفت؟!!

حليلة حيدر الكرار هذا مقام المستجير المستكين

يونيو 21, 2009
حليلة حيدر
ذكرى وفاة أم البنين – 1426
الشيخ حسين الأكرف

استماع

ألا يا ركب هل فيكم معيني .. يعرج بي على أم البنين

بدار يثرب حيث المعالي .. تميس على ثراها كالغصون
قفوني عندها أبدي سلامي .. وأسقي قبرها ماء الجفون
وأرثيها كما لو قيل هذا .. ضراب في المديح المستبين
يسعره بقاع القلب حب .. من الجمرات يرشحها جبيني
قفوني أرجع الذكرى وأروي .. فؤادي بين هاتيك الحزون
وإن الذكريات الأنس ستبدي .. ولي ذكراي بادية الشجون
حري بي بأن أنعى وأبكي .. عليها مسبل صوت الهتون
ففقد المرء من يهوى عزيز .. وإني فاقد نور العيون

بأم الأربع الأقمار سارت .. بيوم الطف واقفة السنين
وجائتها المعالي تجتليها .. صفات تحتذي فخر المنون
فدت أقمار سعد الليل كانوا .. كأروع ما يكون من البنين
ضراغمة يراعى الموت فيهم .. وآساد حماة للعرين
ترى كل على الأعداء يسطو .. بأبيض يستقي غيث الوتين
تجود به الحمية والمنايا .. تربص فيه دائرة الكمين
فلا يثنيه عن نصر ابن طه .. عمود الرأس أو قطع اليمين
قضوا دون الحسين وذاك فخر .. لمرضعهم وليس بذي قرين

كذاك الأمهات يلدن لما .. يكن على هدى دين الأمين
فيا أم البنين كفاك عزاً .. من الآل الكرام بأن تكوني
وللزهراء في ما قد بذلتي .. ورثتي منهلاً عذب المعين
حليلة حيدر الكرار هذا .. مقام المستجير المستكين
بك يرجو النجاة بما لديك .. من الرحمن من قدر مكين
ويلتمس القرى منك فجودي .. عليه في الدنى فضل ودين
عليك من سلام الله دوماً .. دواماً فائقاً عدد السنين

عجيبة تعاني وحبك يشفي من الآلام

مايو 29, 2009
جسر الكاظمية
الإمام الكاظم عليه السلام – 1424
صالح الدرازي

استماع

خيالك توأم عيوني .. وزمانك مهبط إحساسي
خطية مقيد وتدري .. هواك محرر أنفاسي
تداوي جروحي بجروحك .. تسليني بزمن قاسي
يتيم وما سلى عمرك .. وأشوفك مآخـذ براسي

عذابك يواري عذابي ومـر الأيام
ظلامك وسجنك حقيقة بين الأوهام
عجيبة تعاني وحبك يشفي من الآلام

طبيب ويشكي علاته
رحيب وساكن آهاته

هوان الدنيا ما مثله هوان وصفوة الباري
سجينة والفلك يجري ولا جنه الظلم جاري

أحط اسمك على قلبي .. يطيب وترجع آماله
تخلصني من همومي .. وهمك تنهش جباله
أسير ويملك الدنيا .. عظيم بأصعب أحواله
يفك العالم بأسره .. وناسي فكة أغلاله

عظيمة حياتك معاني وجوهر مكنون
غريبة صفاتك دميـع وتمسح العيون
تزيح المحابس يا موسى وانت المسجون

حنانك ترسمه عيونك
تروف بزايد شجونك

مواعيد القدر عندك جلية بناظـر العصمة
رضيت اللوعة والمحنة وبرهن صبرك الحكمة

..

وحدك بطامورة وأقيادك عظيمة .. وأنشد أعوام الأذى شنهو الجريمة
الله يا دنيا على خصمج رحيمة .. وترمي كل قسوة على الدوحة الكريمة

طالت أحزانك .. والهضم طول
والأحبـــة .. ذايبـة وتسأل
كلها ملهوفة .. والصبر ماظل
وينه تلقـاك .. ولا فرج حول

ما درت عنك يا نبراس الإمامة .. ناحل وما ينتظر عمرك سلامة
لو تعاين قلبك الدامي وسهامه .. لو يبوح أسرارك الليل بظلامه

غربة أوطانك .. والدهر خاين
لا قرابـــة .. حالـك تعاين
تجاهد بنفسك .. والجسد واهن
كل مصابـك .. والغـدر باين

..

صيحة وضج الوادي .. يسمع صوت ينادي .. يا أنصار الهادي

يا شيعة رفوا الأعلام .. بالدمعة الجرية
هذا الوعـد يا بغداد .. جسر الكاظمية
يلفي الإمام المسجون .. وتشوفه البرية

واللحظة المعلومة .. بالفجعة المشؤومة .. يا شبل الملطومة

لن الجنازة وعليها السلاسل .. يا غيرة الله أسف شاللي حاصل
خاب الأمل والدمع يجري سايل .. وين البتوله تشوف الفعايل

..

يا زهراء ليش ما حضرتين .. إلى الكاظم تشوفين

جنازة على الجسر ظلت نجيعة
سجين ومنذبح وش هالفجيعة

يا زهراء لو نظرتين .. عزيزيج ما صبرتين

قضى بسمه ولا فكوا حديده
عليه الشيعة فجعتهم شديدة

في السجن شعار دوى يا موسى
في عينيـك له مأوى يا موسى

صوت القرآن .. هز القضبان

وعندي وصية يالولد مكتوبة بحروف الدمع

مايو 29, 2009
أم البنين الأربعة
عبد الأمير البلادي

استماع

يا وليدي هاي القافلة .. أيتام بيها وعايلة
وحسين أخوك بهالضعن .. عازم يروح لكربلا
أنا أمك ومنك ردت .. ضعن الأهل تتكفله
هاي العقيلة أم الخدر .. هودجها بيدك عدله

يبني العلم من ترفعه .. روح بعجل للمشرعة
والله يعلم .. بأهل المخيم

شمل الغوالب مجتمع .. جمر الوداع بكل ضلع
أم البنين الطاهرة .. صاحت يا عباس استمع
همتك همة والدك .. حيدر أصل وانت الفرع
وعندي وصية يالولد .. مكتوبة بحروف الدمع

صوت الحزن من تسمعه .. حبل الوصل لا تقطعه
يناديك يا عم .. والكون أظلم

وياك يا بحر الشيم .. جودك وسيفك والعلم
لو وصل للطف هالضعن .. احسب وفكر في الأهم
يالوليدي أول مرحلة .. انصب مخيم للحرم
لا تبتعد عنها وأبد .. لا تفارق حدود الخيم

تواسيني وأنا الضايعة .. بنت الرسول الشافعة
ويجري الدمع دم .. وننصب الماتم

عباس نور الأربعة .. للعهد حاشى تضيعه
وحسين يحس بالعطش .. روح بعجل للمشرعة
ما يهم جفك ينقطع .. جسمك يطيح بمصرعه
خل أفتخر عند فاطمة .. بجفوفك المتقطعة

يوليدي جنها مقطعة .. منها الأيادي موزعة
يا ظالم افهم .. بالحشر تندم

عباس يا نور البصر .. مو سهلة مني تنفقد
لكن أوضح لك خبر .. وبهالخبر يبني اعتقد
أربعة وبيكم أبتدي .. بدمكم أضحي وأستعد
ما يهم لو دمكم نزف .. وحسين سالم خل يرد

جسمك يلمه ويجمعه .. ما ترضى يبني وتمنعه
شلون يلتم .. ركن التهدم

يوليدي أروي لك خبر .. بيه تشهد أسياد البشر
يوم القيامة فاطمة .. ترفع جفوفك يا قمر
وتصيح ليش مقطعة .. وليش انرمن يم النهر
وأنا على ابنها انتحب .. وأصرخ يا محزوز النحر

أم البنين الأربعة .. أم البنين الأربعة
تفديك بالدم .. بس انت تسلم

يمه من يمسح على راسي لو بعد ايدج فقدناها

مايو 4, 2009
أعطيناك فاطمة
استشهاد السيدة الزهراء عليها السلام – 1426
صالح الدرازي

استماع

ساعة وداع وألم جانت فاطمة تودع يتاماها
والجسد مثل الخيال أمسى والمتن يروي رزاياها
لطمة العين ومآسيها شلت يمين اللي آذاها
والضلوع مكسرة وحيدر غارق بحسراته وياها
تنظر بعين الألم زينب طفلة وما يسكن بجاها
والزمن غال ابتسامتها والحزن يتلظى بحشاها
يمه من يمسح على راسي لو بعد ايدج فقدناها
من يسكن روعتي وهمي وانتي من هالدنيا أغلاها

قالت الزهراء يا محزونة .. بالمصايب انتي مرهونة .. كربلاء عزج تفقدينه
بنتي أوصيج وسمعيني .. هالوصية بيها ذكريني .. ودعي في كربلاء حسيني

شمي منحره قبلي صدره بلحظات الوداع
من قبل الشمر يذبحه بالفلا ظامي بالنزاع
وانتي محيرة ذاهلة والقلب يا بنتي مرتاع

..

ودعت زينب واليتيمين
للحسن نظرة نظرة لحسين
والوصي حيدر يهمل العين
في أمان الله نادى الإثنين

الوداع الوداع .. فاطمة الوداع
ما بعد هالسفر .. نلتقي الوداع

للنبي بلغي التحيات
والعذر مني كلي حسرات
سلمت أمري والقضى فات
والنبي وصى بالأمانات

اذكري ما جرى .. للنبي بالألم
وانا يا فاطمة .. ذي حياتي ظُلَم

..

ساعد الله قلبج مهبط الرزايا
قاسى هالمصايب عاين المنايا
كم محن حملتي كم من البلايا
يالوديعة وانتي يالبتوله آية

سافرت غريبة جمرة الرسالة
حاملة الظلامة تطلب العدالة
ما رعوا حماها عصبة الضلالة
نفذوا حقدهم بالنبي وآله

صوت النواعي والألم .. بالمدينة يا زهراء
يم الشهادة والقيم .. يا حزينة يا زهراء
يا زهراء هذي دموعي دم .. للمصيبة يا زهراء
محفورة رغم اللي ظلم .. بالضماير يا زهراء

..

يا آلام الزهراء .. تحيني بالذكرى
ما ننساها حاشى .. لا ما ننسى الزهراء

محفور اللي صار .. بقلوب الشيعة .. حتى يوم المهدي .. يطلب هالثارات
نقسم بالأضلاع .. والقلب المرتاع .. لو بالجسم الذابل .. منها بالحسرات

يا مهدينا للثار .. كل الشيعة أنصار
وين الجيش الجرار .. هذا يوم التذكار

نهتف يا مهدي .. عجل يا مهدي .. عجل هذا المحسن .. شاهد لا ما مات
الدنيا تصرخ .. من يوم الزهراء .. للطف المدمية .. تتعالى الصيحات

قبرها وين خبروني قبرها وين
تمر أزمان .. خفى وما بان

عني لا تروحي .. وحدتي غربة وأحسها الروح حيرانة

مايو 4, 2009
جهزوا نعشاً لفاطم
استشهاد السيدة الزهراء عليها السلام – 1422
الشيخ حسين الأكرف

استماع

فاطمة عمري .. لو حياتي كتاب يزهر انتِ عنوانه
انتِ يا صبري .. أنا مشروع ابتسامة وانتِ بنيانه
ساطعة بنحري .. يا أغلى ألماسة يا درة بعيني يا دانة
شلتج بصدري .. عيشة من دونج تراها صفقة خسرانة

من يمر طيفج عليه ترتسم فيه ابتسامة
وأنظر الدنيا جميلة مطمئنة بالسلامة

فاطمة .. فاطمة .. فاطمة

يا هلا بروحي .. يا هلا بطيف الفرح هالزاهرة ألوانه
عني لا تروحي .. وحدتي غربة وأحسها الروح حيرانة
بالله لا تنوحي .. دمعة من عينج تخلي الدنيا غرقانة
داوي جروحي .. انتِ أشرف أم عظيمة وأعظم انسانة

..

سلامي من بلادي .. سلام الفاطمية
وطن انتِ بحنانه .. يضمني في الأذية
جميل الله بصفاته .. يحب حسن البرية
دليل على جماله .. وجودج يا زجية

انتِ القريبة الراوية روحي العطيشة الظامية
منتِ العيون السامية النبتة البعيدة القاصية
منتِ أساطير الزمن انتِ الحقيقة الزاهية
لو جفت عيون البلد انتِ العيون الطامية

يا زهراء يا زماني .. يا مزروعة بكياني
على دروب المعزة .. سهم حبج رماني
يا أحلامي البعيدة .. يا أمني وأماني
فزت لو تقبليني .. تحت أمرج ثواني

انتِ الوجاهة والوسيلة والشفاعة فاطمة
انتِ خلاصي من ذنوبي ومن جهنم الحاطمة

..

يا فاطمة اقبليني .. زايد الج حنيني
انتِ أمر إلهي .. أي لحظة آمريني
موج الألم غمرني .. من لجته انشليني
كل ذرة في كياني .. تتصايح ادركيني

يا أم الحنان الهاشمي يا ساكنة الروح
لو ما أروح أنا الج لا وين أنا أروح

يا زهرة الحياة .. يا نجمة الزمان
ما ينوجد أبد .. من غيرج الأمان
يا عازفة الأمل .. في رحلة الجنان
صبي على الجرح .. لمسة من الحنان

خل تسمع العوالم انتِ الحبيبة فاطم
حبج علينا واجب والما يقره واهم

..

يا عالم ممتلي أسرار .. يا كوكبة حب نورت .. سمانا
هدية انتِ من الرحمن .. في عيوني محفوظة تظل .. أمانة
يا حصني الآمن العالي .. ليه بهواج من الكدر .. حصانة
أسرني حبج بعزة .. وهروبي من هذا الأسر .. خيانة

يالسفينة الشايلة .. كل حياتي الآملة .. للمدينة الفاضلة .. الجميلة
يالحماية الكافية .. في الظروف العاتية .. يا نسايم زاكية .. عليلة
شلون قالوا راحلة .. وانتِ فينا جائلة .. في الضمائر نازلة .. أصيلة
من هويتج فاطمة .. روحي ماهي نادمة .. هذا حبج خاتمة .. جليلة

صاح قلبي ما بصاحي .. ما لحزني من براحي

مايو 4, 2009
مناحة
إصدار إباء – 1430
كلمات: مغامس بن داغر الحلي البحراني
الشيخ حسين الأكرف

استماع

لبني الهادي مناحي .. في غدوي ورواحي
صاح قلبي ما بصاحي .. ما لحزني من براحي .. واحسيناه

بت والحزن سميري .. آه مما في ضميري
كيف يالحاني شجيري .. بمصابي بشبيري .. واحسيناه

عزَ صبري واضمحلا .. وسلوي قد تسلى
من يكن قبلي تسلى .. فإن العاني المحلى .. واحسيناه

لهف نفسي للإمام .. يشتكي حر الأوام
ظامياً والماء طامي .. وهجير الصيف حامي .. واحسيناه

خر عن ظهر الحصان .. بين أصحاب الشنان
من يد الطاغي سنان .. وهو للفسطاط راني .. واحسيناه

قصد المهر الخياما .. صاهلاً يبغي الإماما
قال لو يدري الكلاما .. صاح وجداً وغراما .. واحسيناه

سمعته آه زينب .. وعيون الدمع تنصب
أيها المهر تقرب .. لأرى السرج المخضب .. واحسيناه

ودعت بالرجس شمر .. وهو للمنحر يفري
ودم الأوداج يجري .. من أخيها فوق صدر .. واحسيناه

فرأته وهو كابي .. حافصاً بين التراب
فدعته بإكتئاب .. وافتجاع وانتحاب .. واحسيناه

يا أخي دهر رماني .. بتصاريفي الهوان
آه من بلوى زمان .. وشقائي يا أماني .. واحسيناه

واحسيناه آمالي .. من مريح بالوصال
آه من جور الليالي .. آه مما قد جرى لي .. واحسيناه

وغدت تدعو سكينة .. زينباً وحي حزينة
قد نأت عنها السكينة .. وهي تكلم مستكينة .. واحسيناه

عمه ما جرى للحسين .. بينه حال وبيني
قتلوه قرة عيني .. فمصابي غير هين .. واحسيناه

قضيت العمر وأتمنى أعيش بحلم وبآمال

مايو 4, 2009
يالقاصد قبر حسين
إصدار زيارات
باسم الكربلائي

استماع

يالقاصد قبر حسين اوقف وانحني ببابه
هل دمعك على الخدين واسجد قبل أعتابه

يالزاير لو أن قبره يلوح لعينك من بعيد
سلم واعقد النية واقرأ الحمد والتوحيد
واطلب من أبو السجاد كل ما تطلب وشتريد

أصعب وأكلف الحاجات .. عنده بكل وقت سهلات .. طبع الرزق بالنيات

كل مطلب وسيلة يريد كل موقف اله أسبابه

عن احسين أبو اليمة يالسامع خبر مشهور
يتناقل بكل مجلس وبكل الكتب مذكور
كل من يعتني يزوره يرد منه بقلب مسرور

بقبره تبرد اللهفة .. وجمرة حسرتك تطفى .. إذا عندك مرض تشفى

تبرى علته ويطيب كل من يشم ترابه

لا تخلي العجب والشك ما بينك وبينه يحوله
لو همك جبل ينزال بفضل حسين يزول
كرامة خصصه الباري الدعاء بقبته مقبول

ومن تتوجه بدعواك .. يالزاير أريد أنخاك .. أريدك تندعي لي وياك

لتربة كربلاء حنيت ودموع الغربة سجابة

يا زاير لو رحت أنخاك لمن توصل لقبره
عوض عني أريد تشم مكان البيه نزف نحره
اختنقت ريتي وحنيت يا يوم الأشم عطره

وقله خادمك وده .. ينال المطلب الـ عنده .. وقلبه ببابك يشده

علق لو حصل مراده يرد يمك من غيابه

نذر لحسين لو رديت ناذر أعتني له زحوف
قلبي يسبق أجدامي وبقبر الحسين يطوف
وأحني ضلوعي عالشباك وأحضنه بلوعة الملهوف

وأشكي شعندي من آلام .. وأخبره بدورة الأيام .. وأزور الأكبر وجسام

قبل ما أودع أبو اليمة أزور أهل الوفاء أصحابه

وأتعنى لعضيد حسين عباس الأخو الوفاي
القبله ما قبل يشرب ويتهنى بلذيذ الماي
وأقله من قبر زينب أنا جايب لك سلام وياي

غيور أطباعه معروفة .. كريم يحيي ضيوفه .. أعذره مقطعة جفوفه

وراسه بالعمد مهشوم وبعينه السهم صابه

قضيت العمر وأتمنى أعيش بحلم وبآمال
لو يدنى الأجل مني نعشي بكربلاء ينشال
يفروني على قبر حسين وش عندي ذنب ينزال

بجاه الطاهرة أمه .. أريد دفنتي يمه .. وأنا الخادم لبو اليمة

حي ميت دليلي يصيح آه يا حسين ومصابه

رزقنا الله وإياكم في الدنيا زيارته وفي الآخرة شفاعته

صاحت الزهراء بموت من المآسي

مايو 3, 2009
خيرة الخلق من الناس أبي
يوم 11 محرم 1430
الشيخ حسين الأكرف

استماع – الفقرة الثانية

كأني اليوم أشوف بعالم المحشر .. تجلى بعيني منظر ما شبه منظر
منصة للرسول وفاطمة وحيدر .. أظنها محكمة بأمر الله تتقرر
وجبريل بحكم رب السماء تصور .. ويمه حسين يهل دمعه من المنحر

اجا معفر .. ولا تغير .. من العاشر
من المصرع .. من تصدع .. من الحافر

حسيناه حسيناه حسيناه

بأمر جاري .. من الباري .. اجا يسايل
من الوذر .. أبو الأكبر .. من القاتل؟

حسيناه حسيناه حسيناه

اجا الأول خولي وانفتح دربه .. اجا يقر بإعترافاته لعد ربه
خولي شالفعلته وفعلتك صعبة .. وشالسويته وحسين بأشد غربة
حنا براسه يقول أنا بلا رهبة .. كشف صدره ورميته بنبلة في قلبه

وإذا المحشر .. جمر يسعر .. ودم ينزف
يعين الله .. رسول الله .. على الموقف

حسيناه حسيناه حسيناه

وإذا الزهراء .. تمد نظرة .. إلى الهادي
لواهبها .. وفي جانبها .. علي ينادي
حسيناه حسيناه حسيناه

..

رد يسايل من القاتل يصد ليه أنظره
لنه أقبل سنان اللي نسى الدين وتجرأ
قال أنا اللي طعنت حسين أنا برمحي في صدره
جرى دمه من الطعنة جدايل على مهره

صاحت الزهراء بموت من المآسي .. هذا جده المصطفى ولا انت ناسي
ما كفاكم والسهم يحفر في قلبه .. تطعنه في صدره عليك الله يا قاسي

بالعطش منذبح .. ما كفاك الجرح .. يا عدو الله ليش تضربه بالرمح

وارتمى فوق الثرى وحده يقاسي

رد يسايل من القاتل يصد ليه أنظر
لنه أقبل شمر والوجل من ايده يجره
قال أنا اللي صعدت ومشى نعلي على صدره
وأنا وحدي جهزت القطع أوداجه في نحره

صارت تون القيامة من اللي قاله .. والملايك تلطم على حسين وحاله
شاللي سويته يا كافر شالعملته .. ما رويته وما غشى عيونك جماله

ما رعيت الحرم .. يا عديم الشيم .. زينب بلا ولي تنتظر في الخيم

ربك يظل يا شمر هذا سؤال

..

تعرفون من الحسين حشاشة النبي وحبيبه وحفيده
شالسبب يا قاتلين إليه شالسبب يا ظالمين أريده

تذبحون بلا أدنى خطية .. تخلونه على الغبرة رمية
أبو سكينة مثل جده عصمته .. بعد شاللي جنى ردوا عليه

هذا الرحمة من عندي ليكم .. هذا الغالي مهجة وليكم
هذا بعينه قلب الشريعة .. هذا كتابي نازل عليكم

الحكم يا عبدي شوف على الذي ظلم أسلط بعذابي
بن سعد وأبو الحتوف سنان ابن أنس خولي والضباب

يوكل من نسى هاليوم وتجبر .. وكل من جرح بقلب أبو الأكبر
اجا الموعد وما ينسى ثاره .. وعذاب الله من المفتري أكبر

خلي يزيد يحس بالندامة .. يتذكر فعاله وكلامه
حق الزهراء يرجع ولدها .. وزينب شمعة يوم القيامة

خيرة الله من الخلق أبي .. بعد جدي .. فأنا ابن الخيرتين
أنا والله الحسين .. عبرة للمؤمنين

وافي والوفاء تحير بأمرك ولا شاف الصبر مثلات صبرك

مايو 3, 2009
إصدار بطولة الوفاء
سيد هادي البلادي وعبد الأمير البلادي

استماع

وافي آه يا راعي الشيم .. وافي مثلك يالأخو وينه أوافي
ماي المشرعة خضته .. بس يبو الفضل عفته .. مثلك يالأخو وينه أوافي

ماي المشرعة خويه وصلته .. وبجفك يبو الشيمة غرفته
يوم تذكرت خيك رميته .. ما تشرب وجبدك ملتضية

قلبك يلتهب والنهر يجري .. أنا بحالك يا راعي الشيم أدري
عمرك يا كفيل الحرم عمري .. ليش اتعوف ماي العلقمية

أعوفه شلون قلي ما أعوفه .. وأدري بجبدك الحرة ملهوفة
ولو هالظمى يفت احشاي .. تغرق كربلاء بالماي .. ما اشرب انا العباس وافي

يا عباس يا زين الأحبة .. هذا النهر يا خويه تطبه
ليش الماي من جفك تذبه .. قلي يا سند هالعيلة قلي

شلون اشرب يا ناموس المروة .. وادري هالظمى بحالك شسوى
أدرى من العطش ما بيك قوة .. قلبك بالظمى يا خوي يغلي

شلون  ألتذ أنا بالماي وبرده .. وأدري حسين مثل الجمر جبده
أتهنى أنا بعذبــــه .. وحسين احتـــرق قلبه .. شربي للوفاء يالاخو نافي

أدري بالعطش يلهب بصدرك .. وأدري من الظمى منتحل ظهرك
لو تشرب يبو الشيمة أعذرك .. أعذرك يا أبو النفس الأبية

ورد عباس وهو يهمل العبرة .. أدري لو شرب خيك تعذره
بس خجلان من أمك الزهراء .. لو وافيتها عند المنية

لو قالت لي يا كافل أيتامي .. شربت الماي وتدري حسين ظامي
انت تنجتل رويان .. بس احسين يظل عطشان .. أعرفك يا كفيل الحرم وافي

وافي قلي لو عني الوفاء بعيد .. آمرني يبو السجاد شتريد
بس أتمنى لو عندي ألف ايد .. يظل العلم عالي في ارتفاعه

ولو عندي ألف هامة وألف عين .. لأقدمهم الك قربان يا حسين
ولو عندي بدل هالعمر عمرين .. جان افديك ساعة بعد ساعة

لكن تدري بحالي يا غالي ..  لا عندي يميني ولا شمالي
نصف هالعمد راسي .. سهم عيني بعد قاسي .. أستل النفس والصوت خافي

وافي والوفاء تحير بأمرك .. لا شاف الصبر مثلات صبرك
ترمي هامتك خويه وصدرك .. من حجري على حر الوطية

ما ترضى يظل راسك بحجري .. لنه بينصهر بالترب نحري
ودمي بحرة التربان يجري .. وافي حتى في حضور المنية

وافي والوفاء يا خوي طبعك .. والإيثار يا عباس شرعك
وافي والوفاء ابدمك .. أخوك حسين كل همك .. كل همك بعد عينك شـ أوافي

مثال الوفاء يا خويه ضربته .. للعالم وبينته وشرحته
جنب المشرعة خويه نهيته .. روحك صاعدة يابو الحمية

سلام الله على روحك يا روحي .. جروحك يا أبو فاضل جروحي
وأظن تسمع يا راعي الشيم نوحي .. على فراقك يا سور الهاشمية

مكسور الظهر بعدك يا عقلي .. والعدوان تشمت بي من حولي
وحدي راجع الخيمة .. من دونك يبو الشيمة .. هذا اللي جرى منه مخافي

وحدي جيت قومي يالوديعة .. قومي واستعدي للفجيعة
ترى العباس طايح بالشريعة .. على صدره تدوس الأعوجية

وقامت زينب تجر النوايح .. راح اليوم يا خويه الرايح
جان البطل عند النهر طايح .. وينه نلتجي يبن الشفية

قلها للسبي يختي استعدي .. ما أقدر أصد القوم وحدي
هذي ألوف مجتمعة .. على سبط النبي وشرعه .. تدرين من بعد خويه شوافي

من سمعت خبر عباس زينب .. ظلت بالخيم تنتخي وتنحب
يا نسوان قوموا السبي قرب .. روحتنا الى الكوفة قريبة

راح الملتجى وبالترب خده .. ظل احسين يا نسوان وحده
ظهره منحني ونيران جبده .. وقلبه ملتهب زايد لهيبه

من شاف البطل بالعلقمية .. متعفر على حر الوطية
الحسين انكسر ظهره .. والله وانقصف عمره .. ما ادري يا خويه ويش اوافي

صاحت زينب بضجة ونوحة .. لو جبته أضمد له اجروحه
قبل ما تطلع من الجسد روحه .. جان البطل جبته يا شفية

قلها نيتي أحمله ليكم .. لكن مستحي يالحوراء منكم
لأن بالماي يا زينب وعدكم .. لكن عاقته سهام المنية

قالت بو الفضل وافي بوعده .. عذره يبو السجاد عنده
قطعوا العدى جفينه .. سهم مصوب بعينه .. ندري يالاخو عباس وافي


تابع

Get every new post delivered to your Inbox.